прил. 1) кьилиз акъатна куьтягь хьайи, са мус ятӀани гьакъикъат яз хьайи. # ~ варз, ~ зулуз, ~ гад, ~ гатуз. Алатай асирда агъул райондин БуркӀихьанрин хуьруьн патав Алпан тӀвар алай хуьрни хьанай. М. М. Лезги тӀвар алатӀа. -Захъ, лагьана Гьасана, - алатай суз Хьанвай кьве жуьт кӀвалахдай малар. А. Ф. КьатӀ-кьатӀ авур зунжурар. Эхь, ваз суьгьбет авурбуру дуьз лагьанва, чан хва. Алатай кьуьд гьихьтинди хьанайтӀа, мад ваз акунай хьи. Вири дуьнья, налугьуди, муркӀадин са къаябдиз элкъвенвай. М. Ш. Рагъ къаршиламишзава. Алатай йифди дереда пехъивал авур юргъ анжах югъ ахъа хьайила, секин хьана. Къ. М. Дагъларин деринрин булахар. Алатай гатун гъяддин са юкъуз ам ал рангунин къизилгуьллерин чӀехи кӀунчӀ гваз рекьин къерехдал акъвазнавай. К, 1989, 2. ӀӀ. 2) са мус ятӀани гьакъикъат яз хьайи. Зи алатай куьмекчини заз илимрикай тарсар гуз алахънавай. Б. Гь. Заз эвера.
* алатай вахт граммат. гьерекат хьана акьалтӀайди къалурдай вахт. ☼ Эмирдин наклонениеда ( формада ) а-динни э-дин арада авай са жуьре ачух сесинал акьалтӀнавай глаголрин группа эхирда я аваз кхьида. Я гьарф ихьтин глаголрин гилан, алатай ва къвезмай вахтарин формайрани кхьида. Месела: кя, кяна, кяда, кязава; эця, эцязава, эцяна, эцяда ва мсб. М. М. Гьажиев. Лезги чӀалан орфографиядин словарь, 1955.