туьрк, сущ.; -ди, -да; -ар, -ри, -ра 1) маса гун, савда. Алишвериш... гунуг-къачун - Кьасумхуьр базар чка я. С. С. Куьредин цӀерид хуьруьз. Гьар къуз садаз къачуз кафан, Заз алишвериш хьана хьи. С. С. Кьве хтул кьейила... Гьич са затӀ туш алишвериш - А гирвенка, терез, лежбер. С. С. ЦӀуз хъуьрезвай лежбер. 2) шейэр, ужуз къиметдай къачуз, багьа къиметдай гунин гьерекат. Гьамид алишверишдив эгечӀна. Ада чинебан спекулянтвал ийизвай. 3. Э. Мехъер кьуьл туш. Алишвериш усал пеше яз гьисабун чаз большвикралай амай "аманат " я. Гьакъикъатда лагьайтӀа, алишвериш, азад лежбервилихъ сад хьиз, инсаният патал лап берекатлу ва Аллагьдин виликни еке дережа авай кеспи я. Гъ. С. Истамбулдиз сиягьат. - Я Гьалимат, лагьана са сеферда Аскера вичин кайванидиз, - ша чна рикӀе ашкъи туна алишверишдин кӀвалахар кьиле тухун. Чаз хийирарни жеда. Я. Къафаров. Кумукьна. Синоним: спекулянтвал.
* алишвериш авун гл., алишвериш кьиле тухун.