араб, сущ.; -ди, -да; -яр, -йри, -йра 1) кхьена ва я хуралай са квекай ятӀани са ни ятӀани гузвай хабар, тӀалабун. Им чӀехи касдиз арза я, лагьана. Е. Э. Азиз дустар, килигдачни зи гьалдиз ? Арзайрин чарар амаз кьейи Хва вай дидедин. И. Гь. Фитнечи кьейила. И арза кхьиналди, за суддивай... чӀуру гъаларай кьил акъудун ва гьахъ гъалиб хъувун тӀалабзаза, А. Къ. Гилигзава.. 2) шикаят. Гъейри касдин чиниз арза гъидайд туш. Е. Э ТӀварун стхадиз.
* арза авун \[гун\] гл., ни низ нелай-квелай наразивилин ихтилат авун, кхьин. Яр, ваз за са арза ийин. Е. Э. Хьана хьи.... ада залай арза авурай!- къетӀна гадади. Ахпа чун килигда... Б. Гь. Заз эвера. Арза це тадиз, къведалди дустагъ. С. ЦӀийи кьилелай. Зи арзадин чарарал алай лекеяр квез коньякдин ва я кофединбур хьиз жемир... А. Къ. Гилигзава.... сада Зарбалидилай партиядин Дербентдин горкомдиз арза авуна. Я. Къафаров. Тапархъан.
* арза-ферзе рах., сущ. са нелай-квелай ятӀани нарази гафар.
* арза-ферзе авун рах., гл., ни низ са нелай ятӀани нарази гафар лугьун. Суна мад арза-ферзе ийидай рекьера гьатнач. Я. Къафаров. ЦӀил гваз хтана. Ихьтин гъалари дили авур Гьалимата фена РОВД-дин начальникдин кабинетдиз акъатна, Сулейманалай арза-ферзе авуна... Я. Къафаров. Юристдин дафтардай.