сущ.; -и, -а; -ар, -ри, -ра 1) инсандин фагьумдини беденди ял язавай гьал. Дустариз лагь: гъафил тахьуй ахвара. Е. Э. Дустариз. Юг гатадайдаз хвар, Динжвилиз ахвар, ЗатӀ жакьваз сухвар ХупӀ ярашугъ я.. С. С. Квез вуч ярашугъ я. Йифиз ахвар, юкъуз кьарай амачир. А. Б. Зи хуьр. 2) ахварин гьалда авайла кьилиз къведай фикирар, агьвалатар. Етим Эмин ахварайни агуддач... Е. Э. Гачал, гьей! Бес эвел квез акур ахвар Аквадай йифер гьинама? С. С. Гьинама? Беневшадин рикӀел, аламатдин ахвар хьиз, хквезва: и гатун пуд варз гзаф гуьзелдаказ, са вилиз акуна, муькуь вилиз такуна, акъатнай. Гь. Къ. Магьини дилбер.
* ахвар акун гл., низ; ксанвай вахтунда фикирдиз атун. Ви гъалдикай хьана хабар, Эминаз ахвар акуна. Е. Э. Гьуьруьдиз ухшар акуна.
* ахвар атун гл., низ; ксай гьалдиз атун. Вакай пис гаф ван хьайила... Экв жедалди къведач ахвар. Ш. Къ. Вакай пис гаф ван хьайила...
* ахвар атӀун гл., ни нин 1) ахварик квай гьалдай акъудун. За нин ятӀа ширин ахвар АтӀанватӀа, атӀурай! Гъенел алай калерни кваз ГатӀанватӀа, гатӀурай. С. К. Чуьнуьх жедач. 2) кьарай атӀун. Вири живедин инсандин геле Гьатнава гила, атӀана ахвар... А. Ал. Муьжуьдар.
* ахвара аваз хьун гл., вуж дуьньядикай бейхабардиз хьун. Шумудни сад гъафил яз Авазва ахвара. Е. Э. Дуьньядиз.
* ахварай аватун || ахварай авудун гл., вуж || ни вуж; 1) инсандин фагьумдини беденди ял язавай гьалдай акъатун || акъудун. Адаз къалин хизан авай: А йифиз гьарма санавай, Гъуьл, бейхабар ксанавай, Ах- варай аватун хьана кьван. С. С. Са къаридинни къужадин дяве. Аватна хва ахварай, питав адан касни гвач. И. А. Бубадин аманат. Рекъиз месел алай кьуьзуьда, йифен лап геж вахт хьунизни килиг павуна, яргъал шегьердай хтанвай вичин хва къаридив ахварай авудиз туна. А. Къ. Гьалалвал къахчун. 2) куьч. дуьньядин гьаларикай хабардар хьун || хабардар авун. Амукь тавурай ам гъафил, Ахварай авуд а фекьи. С. С. Фекьийриз. Московдай авурла гъарай, Авудайд я чун ахварай. С. С. Маралар хьиз дагъларавай. Мусибат я, дуст яз авам цекверин Уьмуьрлух вун таватайтӀа ахварай. А. Ал. Муьжуьдар. Бакуда азербайжан чӀалал акъатзавай "Экинчи" газетдиз ада Кавказдин мусурманар, вири ва гьа жергедай яз Дагъустандин халкьарни, бейсавадвилин ахварай авудзавай са алатдиз хьиз къимет гана ва а газетдин редактор Зердабидиз вичин разивал малумарна. М. М. Виш йисарин имтигьан.
* ахварай акун гл., вуж-вуч низ 1) ахварин гьалда авайла, фикирдай са гьихьтин ятӀани агьвалат карагун. Гьар йифиз аквадай ахвар Жеда квез хайрат, фекьияр. С. С. Фекьияр... А сенфиз заз акур ахвар Ви гъуьруькай хьун я чӀахар. С. С. Регъуьхбанни яр. Са чувуддиз ахвар акуна: са ни ятӀани адан сиве авай къизилдин сарар сваркадалди вири сад-садак кукӀурзавай А. Къ. Чувуддин ахвар. 2) куьч. кьиле тефидай шейэрикай рахун.
* ахварайни такур хьтин прил. фикирдиз гъиз тежер лайихвилер авай. Жемятар! Къенин чи сувар... им надир, халкьдиз лап ахварайни такур хьтин сувар я. И. Яралиев. Шарвили! Шарвили! Шарвили!
* ахварал (ахвариз) фин гл., вуж ксай гьалда хьун. И агъузар чӀугваз фена ахвариз. Е. Э. Шеда зун. Архайин алад ахварал, Фикирмир гъич, алагуьзли. С. С. Гадани руш. СтӀал Сулейман ахварал Фидач, фикир кӀватӀна хурал. С. С. Хва кьей кас. КицӀин гурцӀул кьуна хурал, Гъич мумкин ян фин ахварал. С. С. Вечрен къимет вад милиян. -Ахвар гала? Чидач ман, гадаярни ахварал фейитӀа, балкӀандиз зарар гудатӀа? А. Ф. Лянет.... гипноздин таъсирдикди начагъди ахварал фена... Гь. Гьамзатов. Гьаким Лукьман – Сержан-Ханум. Магъмуд буба кроватдал алай. Ам гъич кьенвайди хьиз аквазвачир ширин ахвариз фенвай инсандиз ухшар тир. 3. Гь. Залан кам
* ахварикай кватун гл., вуж ксай гьалдай акъатун. пиянди ахварикай кватна. А. Къ. Жуьгьенар. Пелел къайи гьекьедин курум стӀалар алаз... ахварикай кватна зун. Ж. Гь. Кьвед лагьай шикил. Ахварикай кватайла, гьатайла зи вилера Уьмуьрдин тар, дидед сур, неда зун са фикирди... А. Къ. Зун буьркьуь я ахва- ра...