туьрк. сущ.; -ди, -да; -ар, -ри, -ра хъицикьдикай цвадай, итимри гьар йикъан парталдихъ галаз кьилел алукӀдай затӀ. КӀвачел шалам, кьилел бапӀах, - Гьавиляй чӀур хьана зи кӀвалах. С. С. ТӀуб сара кьаз.... пара серес бапӀахар алай ногъай, тандал яру-цӀару булушкаяр алай урус дишегьлияр... аквазвай инсанрин гуьгьуьлар гьасятда ачух жезвай. Н. Меликов. Яран суварар меркезда Гъиле авай сумка чилел эцигай Насира бапӀах туртурдин винел вигьена. А. Сайд. Насиран туртур. Синоним: бармак, кьеркь.
* бапӀахдин \[бармакдин\] пад элкъуьрдалди нар. лап фад, тадиз, са гъвечӀи кӀвалах ийидалди. - Саимат вах, - лагьана, ада... - Вад йис са акьван еке уьмуьр туш. БапӀахдин пад элкъуьрдалди акъатна фида. Н. А. Къимет тецигай муьгьуьббат. Синонимар: вил акьална ахъайдалди, бармак цавуз вегьена чилел ахватдалди, гаф сиве амаз.