урус, сущ.; -ди, -да; -ар, -ра 1) кьезил тӀуьн недай чка. Гуляди заз шегьерда буфетда кӀвалахни жагъурна, вичин къуншидал - кӀвални. А. М. Киф атӀайди. Файзуллагь мукьвал-мукьвал Кьасумхуьрел алай НефтӀилагьдин, Алидин, Эрзиханан ва Хъсейханан буфетриз тӀуьн-хъун ийиз фидайбуру... алцурар тавуна тадачир С. Муслимов. ЦицӀигъ-наме. 2) буфетдин дараматдин къене недай-хъвадай затӀар гузвай чка. Бубади... буфетдин дезгедихь чуьнуьх хьайи Аронан патав фена, дезге гатана, хабар кьуна... С. Гь. КӀири Буба. Гуьгъуьнал алаз Ахундовни ракӀариз Гьахьна. Буфетда ацукьдай чкаяр амачир. На лугьуди, кӀвалахдилай кӀвализ хьфизвай инсанар вири гьа ина кӀватӀ хьанва. М. Садикь Дуст. 3) тӀуьнин къапар эцигдай шкаф. Буфет, шифоньер, диван, хъуьтуьл креслояр ( стулар ), цуьквер авай кередин къапар, ктабар авай шкаф... стхадихъ авачир затӀни авач!.. 3. Э. Зун гъавурда акьазвач.