прил. 1) чарасуз. ~ месэла, ~ кархана, ~ майишат, майиштдин ~ хел, яшайишда ~ илим. Гьар сеферда важиблу собранийриз ва совещанийриз фидайла чун, райондин работникар, ам гилан девирдив кьунвай гьалда парталор алукӀун герек тирдахъ инанмишариз алахъдай.. Гь. А. Поэзиядин жавагьирар яратмишайди. Дуьз я, дугъриданни, уьлкведин важиблу карханаяр ракетрай ягъиз, барбатӀнава... Гь. Рамалданов. Гьахъни батӀул чир тавуна. 2) лазим тир. Районэгьлияр тӀебии газдалди таъминарун за зун па- тал важиблу ва сад лагьай дережадин месэла яз эцигна. ЛГ, 1999, 1. ӀV. Лифер гьеле таран хилел аламай. Аквадай хьи, абурухъ лап важиблу са месэладай суьгьбетар ама. А. Сайд. Вили яна. Вири яратмишунар: гьикаяяр, юморескаяр, махар, повестар, пьесаяр... - важиблу вакъиайриз талукьбур я. Гь. Гьемзетов. Абдулбари Магьмудовакай гаф. 3) хийир тир. Машмашрин, шурван пӀинийрин ва хутарин цилер гадариз тади къачумир... Абурук инсандин беден патал лап важиблу В17 витанмин ква. ЛГ, 1999, 14. X. Антоним: важибсуз.
* важиблу хьун гл., низ вуч чарасуз хьун. - Пѐтрдиз и чилер, анай физвай барамачи ( ипекдин ) рекьерни галаз вичиз муьтӀуьгъарун гзаф важиблу яз аквазвай. А. Бутаев. Гьажи Давуд ва лезгийрин азад женгер. Адалайни гъейри, савдагарвилин рекьяй важиблу тир Дербентни Баку Урусатдиз жезвай. А. Бутаев. Гьажи Давуд ва лезгийрин азад женгер. Шаир, вуж я вун, хва я гьи уьлкведин - Важиблу туш... А. Къ. Алпан.