тӀв. эв.; ни, не; -ар 1) тайин тушир кас чирун патал гудай суалдин гаф. Фекьир Эмин, мукъаятдиз Вуж килигна шикаятдиз? Е. Э. Дуьньядикай бейхабардаз. Зи дердер на мийир таза. Низ гун за бес валай арза? С. С. Ам вуж я, лагь, куьрпе бала гъилеваз, Къешенг чина милаим хъвер авайди? А. Сул. Ам вуж я... Низ хьана вун себеб, дарман, дуьнья, гьей! Икьван гагьди нив авуна за ви сир? Е. Э. Эминни адан яр. 2) никай рахазватӀа, гьам къалурдай талукьвилин гаф. Ибур вужар ятӀа, кьил акъатдачир... А. Ф. КьатӀ-кьатӀ авур зунжурар.
* вуж кӀантӀани тӀв. эв. еридилай, хесетрилай аслу туширди. Хиялар ятӀа, ни кӀантӀани лугьуй, гьей! Е. Э. Бахтсузвал.
* вуж хьайитӀани тӀв. эв. гьар сад. Нив хьайитӀани агатда вун - чара туш, Зун галачиз гьала девран, къизил цам. Е. Э. Къизил цам.
* вуж ятӀани тӀв-эв. тайин тушир сад. Вуж ятӀани рахазва зав, къурху кутаз, хъел аваз... А. Къ. ТӀурфандин йиф. Ни ятӀани гьахьлувилин сесиналди кӀелзава Тахсирар зи, ажузвилер, хийирлу крар. А. Къ. ТӀурфандин йиф.
* нивай лугьуз жеда арал. шаклувал къалурдай мягькем ибара. Нивай лугьуз жеда, белки къе атанвай жавандикайни гъахътин гьунарлу кас жен... Б. Гь. Заз эвера.
* низ чида(й) кӀус рахазвайда вичи ахъайзавай агьвалатдал мягьтелвал ва хабарсузвал къалурдай ибара. Зун стха Набидин мехъеррилай паярни гваз хквезвайди тир. Низ чидай, рагъ алай юкъуз, чуплахдиз вацӀай экъечӀна, Самой зал тепилмиш жедайди. Ш. И. "Устулдаллай ЧӀагъан хьтин". Низ чидай, хъсан кӀвал-югъ, гьаким хьтин гъуьл, цуьквер хьтин гадани руш авай дишегьли чалкечир жедатӀа. Низ чидай, ада зун шегьердиз вичин юлдаш хьун патал желбнавайди. А. М. Киф атӀайди.