|| ГУЖУНАЛ рах., нар. 1) къуват желбна. А абдалдиз чавай вуч жеда? Гужуналди адавай пул къакъуддани? И. И. Сирлу межлис. Хъшахъша, - Абида руш, гъиликай кьуна, гужуналди хутахзава. Гь. Къ. Магьини Дилбер. Са теменди гужуналди Ажалдивай къахкъуддай чан. Ш. Къ. Алагуьзли. Синоним: зуруналди. 2) разивал авачиз, хуш тушиз. Гужуналди зун бубади гайитӀа, Ахпа ам я эхирдуван, невжеван. Е. Э. Серманазахъ галаз суьгьбет. \[ЦӀарухва\]. ДакӀанздакӀанз гужунал лежберар калхузриз чӀугун партидин, Ленинан цӀар чӀурун я. Гь. Гь. Колхоз. Гужуналди колхоз авун туш мумкин. А. Ф. КьатӀ-кьатӀ авур зунжурар. - Куьне зун гужуналди нехирдив ракъур ийизва, амма окӀан ман малариз "ишт, вагьа" ни лугьудатӀа. Г. Агьмедбегова. Нехирбан. 3) гьихьтин ятӀани амалралди. Саиматаз гила гужуналди тарарив гьар йисуз бегьер гъиз таз кӀанзава. С. М. Маяк Саимат. Адалатсуз гьакимри зун гужуналди и мусибатдин кардик тахсиркар авунва. Къ. М. Дагъларин деринрин булахар.