сущ.; -или, -иле; -илер, -илери, -илера; ни-куь герек тир къайда хуьн патал тухузвай ахтармишун. Колхоздин членди патав акъвазна чехирчидал, кьери яз лекве тавун патал, гуьзчивал тухузвай ва и гуьзчивиляй адаз зегъметдин йикъар къвезвай. И. Гь. Кьит пеше. Райисполкомрин культурадин отделрин, профсоюздин ва комсомолдин комитетрин патайни абурун кӀвалахдал гуьзчивал зайифарнавайди къейд тавуна жедач. К, 1972, 19. ӀӀ.
* гуьзчивал авун \[тухун\] гл., ни нел-квел ни вуч ийизватӀа, гьихьтин гьерекатар кьилиз акъудзаватӀа, чирун. Жегьил ва туьнт гадади... йифиз чинеба атана, шегьердин къаравулрал гуьзчивал ийизвай гададин кьил атӀанай. Ф. Лайихлу паб. ГьикӀ хьайитӀани, жуван рахунрал гуьзчивал авуна кӀанда. А. Р. Вертолѐт Мегьамед. Зулузни, гатуз хьиз, кӀвалера тӀветӀер тахьун патал гуьзчивал авуна кӀанда. 3. К. ТӀебиат чирун. ООН-дин наркотикрал гуьзчивал тухузвай комиссиядин гьисабралди, дуьньяда героин ишлемишзавай муьжуьд миллиондилай виниз наркоманар ава. ЛГ, 2001, 26. VӀӀ.
* гуьзчивилик кутун гл., ни-куь вуж-вуч вуч ийизватӀа, ахтармишдай гьалда тун. Шегьердин администрациядин кьил Феликс Гьажиагьмедович Къазиахмедова къацу авунин ва аваданлмишунин кӀвалахар вичин гьар йикъан гуьзчивилик кутунва... ЛГ, 2000, 28. XӀӀ. Месэлаяр за жуван гуьзчивилик кутунва. ЛГ, 2003, 8. V.
* гуьзчивиликай хкатун гл., нин-куьн вуч вуч ийизватӀа, ахтармишдай гьалдай акъатун. Жегьил ва туьнт Гьуьсейн Имиркьулибегдин гуьзчивилкай хкатзавай. 3. Р. ЦӀийи ханлух.
* гуьзчивилакай хкудун гл., ни-куь вуж-вуч; вуч ийизватӀа, ахтармишдай гьалдай акъудун.