нар. 'гьи жуьреда, 'гьи тегьерда' суалдин гаф. ГьикӀ акъудда йикъар, йифер. Акваз кӀан я вун заз, гуьзел. Е. Э. Ваз маса яр хьана, гуьзел. - Бес за вучда? Бес зи уьмуьр гьикӀ хьуй? Къемера хиялдай мад са чӀал туькӀуьрна... Гь. Къ. Къилинж Къемер.
* гьикӀ ава \[ я \]? кӀус кефер-гьалар хабар кьадайла, ишлемишдай ибара. ГьикӀ ава, бубад бицӀи руш? С. С. РикӀин ишигъ Гьажибег. - ГьикӀ я, къунши? - жузуна ада. Ф. Б. Сувасатар
* гьикӀ лагьайтӀа союз вучиз лагьайтӀа. Расул Аллагьди лугьудалдай: «Азарлу ва я кьенвай касдин патав гваз хьайитӀа, анжах хъсан рахух, гьикӀ лагьайтӀа, малаикар куьне лугьузвай гафарихъ агъада". Диндикай суьгьбетар || Самур, 1994, No 3. ЦӀинин йис заз иллаки кьетӀендаказ къейд ийиз кӀанзава, гьикӀ лагьайтӀа са за ваъ, цӀудралди маса инвалидри... чпин сагъламвал хъсанарзава. 3. Ф. Суьгьуьрдин тӀвал гвайди.
* гьикӀ лагьайтӀани 1 кӀус гьихьтин делилар гьайитӀани. Зи шиирар зи руьгьдин тарих, чарчел кхьенвай зи уьмуьр я. Анжах кьилинди, гьикӀ лагьайтӀани, вилик кума. А. Къ. Дагъустан шаиррин уьлкве яз ама.
* гьикӀ хьайитӀани 2 нар. са шакни алачиз. Пака зун гьикӀ хьайтӀани куь собранидиз къведа. А. Сайд. Яру хьайи чин.
* гьикӀ хьана ? межд. гуьзлемиш тавунвай гьал, хабар хьайила мягьтелвал къалурзавай суалдин ибара. - Ана гьикӀ хьана, чан хва, вун пашман вучиз я? Вуч хьанватӀа садра дидедиз лагь! А. Сайд. Нариманаз вуч гьахъ я лагь. * гьикӀ хьана нар. 1) дуьшуьшдай хьиз. ГьикӀ хьана хатадай хьиз Къафлан стхадикай нарази, бейкеф хьайила, за гьасятда зи аялриз дарда авайла ада авур хъсанвал рикӀел гъидай - зи бейкефвални, гару ягъайди хьиз, квахьдай. Г. Ханов. Абадвални агьваллувал патал. 2) вуч себеб яз. - Им гьикӀ хьана акъатна Яшайишдин кьуьруькрай?! А. Къ. Пешепай.
* гьикӀ ятӀани арал. са вуч ятӀани себеб яз; Гьамиша тамашаяр къалурдай, уюнар акъуддай Агьмедбег са сеферда хъвайила, гьикӀ ятӀани Вич вичел аламай. С. Муслимов. ЦицӀигъ-наме.