гл.; -да, -на; -из, -зава; -0 || -а, -ин, -рай, -мир гьисаб авун, гьисаб тавун, гьисаб тахвун, гьисаб хъийимир 1) ни вуж-вуч кьадар чирун. Шегьердин къерехдиз хтайлагъ, ида, «Акван заз гъикьван пул хьанайтӀа» лагьана, гьисабиз башламишна. Ф. Шумуд йис я, ганач на заз са жаваб, Къар гьисабиз кузава *зин кьуд кӀараб. Е. Э. Аман яр. ГьисабайтӀа вири кӀвалер, ЯхцӀурни цӀуд Хважадин хуьр. X. Къ. Хважадин хуьр. 2) тайин са фикир авун. Гъавурда авачирбуру Гьасан Гьафсатан чӀехи велед яз гьисабзавай ва ам имамдин хва хьиз кьабулзавай. И. Гь. КьетӀен малумат. Кесибди лагьайтӀа акьуллу фикир, Гижидай гъисабда вирида Фекьир. И. Ш. Кьудар. "Лезги, лезги!» лугьуз ктабар кхьизвайбурун арада вичин хайи халкь кьенваз гьисабзавай ва чеб гьадан дуьадал акъвазнавай ксарни ава. 3. Р. Веси. Заз етимвилин мусибатни чир хьана, бубавилин гьиссни. Амма абурулай виридалайни виниди за зи хайи халкьдиз къуллугъ авун яз гьисабна. 3. Р. Веси. Гьеле 1500-2000 йис кьван идалай вилик лезгияр уях хьанвай халкьарикай сад яз гьисабзавай. И. Я. Шарвили! Шарвили! Шарвили! 3) няй-квяй кваз кьун, амал авун. Амма на зун гьич са квяйни гьисабнач, Гуя зун са цӀверекӀтир ви кӀакӀамдал. А. Къ. Заз кӀандай вун...