сущ.; -ди, -да; -ар, -ри, -ра 1) гьукумат кьиле тухузвайди. 2) ихтиярар гъиле авайди. «Цаварал Аллагь, гьукумдар, чилерал вун, чун вири ви чандилай къурбанд хьурай...» 3. Гь. Лезгийрин риваят. Гуьгъуьнлай алверчивиликни ктканай. Амма гьукумдарри чпин а жадувал далдаламишдай кӀевивилер авурла, и рекье къаних амалрални гуьл хьанай. Т. А. Мехъер куьтягь жедалди. Истамбулда кьиле фейи рахунрин нетижа яз, Гьажи-Давуд Ширвандинни Дагъустандин чӀехи гьукумдар яз тайинарна. А. Бутаев. Гьажи-Давуд ва лезгийрин азад женгер. Як пайзавайбуру вуч ийизватӀа, ахтармишзавач. Гьукумдарар элкъвена къавумар я. ЧӀехи къуллугъарни пайзава, чпин арада мукьва-кьиливални жанлу ийизва. Н. И. Гьакимрин папар.