сущ.; -уь, -е; -ер, -ери, -ера 1) окӀандин пай тир, туькьуьлвални уьцӀуьвал акахьнавай яд авай чка. Циф чӀугвада гьуьлералди... Е. Э. ТӀурфан акъатна. Лепеяр жедач гъвечӀи вирерал, Лепеяр жеда дерин гъуьлерал. А. Ал. Бендер. Экв малум жезвай. МичӀи, яру рагъ гьуьлуькай пара агъайнадаказ хкечӀзава. 3. Ф. Суьгьуьрдин тӀвал гвайди. КилигайтӀа, фикир гайитӀа, вун гьуьле ава. Кьуд пад яд я. М. С. Буьркьуьди.... са тӀимил вахтунлай урусрин чӀехи пай гимияр гьич такур хьтин къуват авай тӀурфан себеб яз гьуьле батмиш хьана. А. Бутаев. Гьажи-Давуд ва лезгийрин азад женгер. Балугъчи, вун гьуьлуьн кьерел МичӀи жер кьван ацукьда. Д. А. Балугъчи. Садра гьуьляй балугъар акъатайла, за чилинай акъудиз тачкада аваз лабаздиз балугъар тухузвай. С. М. Маяк Саимат. 2) куьч. гзаф. Самур чилин я вун камил, Илмияр кӀватӀнавай са гьуьл, СиратӀдилай яхъ на чи гъил, Я шейхерин шейх, Мегьамед. X. Къ. Шейхерин шейх. 3) куьч. тайинвал авачир чка. ВиртӀедин кьеч гъайла кӀвализ, Шариатни физва гьуьлуьз. Е. Э. Къази.
* гьуьлуьз фий ! межд. квахьрай, мад заз ахкун тавурай!
* гьуьлуьн тӀям са стӀалдини чирда мисал 'хъсанданни писдан ери фад чир жеда' манадин мисал. Гьуьлуьн тӀям са стӀалдинни чирда лугьудайвал, чи халкьдин зурбавал, камаллувал, бажарагълувал, ватанпересвал ва инсанпересвал и гъвечӀи ктабдини къалурзавайдал шак алач. ЛГ, 2002, 29. VӀӀӀ.