|| ГЬУЬРУЬ араб, сущ.; -ди, -да; -яр, -йри, -йра 1) шиир. женнетэгьли гуьзел руш. Фикирна за: яраб ам зи яр я жал... Гьуьруь ятӀа, жейран ятӀа, гуьзел яр. Е. Э. Заз булахдал яр акуна. Жагьай касдиз мунасиб яз Гьуьруьдиз ухшар акуна. Е. Э. Къудратдин кар. Инсан туш вун, са гьуьруь я, Агъзур сунадин ери я, А. Гьажи. Гуьзел. Женнет гьуьруь кьисметрай ваз. Я вилин ишигъ Дашдемир. X. Къ. Дашдемир. 2) са нин ятӀани рикӀ алай, гуьзел дишегьли. - Ам вуж я? - Округдин начальникдин руш. - рикӀел аламачни? – А-а, полковникдин гьуьруь. А. А. Ирид цавук Самурдин ван. 3) ( чӀехи гьарфуналди - Гь ) дишегьлидин тӀвар: Гьуьри. Тамам баянар кил.: А. Гуьлмегьамедов. Рушарин тӀварикай риваятар || Лезги газет, 1993, 2. XӀ.
* гьуьри-пери сущ. 1) махарик квай гуьрчег, чӀагай, хъсан амалрин руш. Куьлуьз-куьлуьз ихтилатиз... Гьуьруьпери мубарак хьуй. Е. Э. КӀани ярдиз. Сулейманалай вилик хьайи шаирри, месела, Етим Эмина ва Сулейманахь галаз са девирда хьайи шаиррини, месела, Ахцегь Гьажиди, Хпеж Къурбана ва масабуру, шумудни са шиирдалди Аллагьдин, пайгьамбаррин тарифар авуна, жегьеннемралди кичӀерар гуз ва женнетралди гьуьруьперийралди шакьлу ийиз диндин ферзер ада авуниз эвер гуз хьана. М. М. Гь. Халкьдин шаир. 2) куьч. чеб гуьрчегдиз къалуриз алахънавайди. Лезгийрин интеллигенция ксанвай гьуьруьперияр я, лезгийрин шаирарни кӀвалин ашукьар. 3. Р. Веси. 3) ( чӀехи гьарфунилай - Гь ) дишегьлидин хас тӀвар: Гьуьруьпери.