сущ.; -или, -иле; -илер, -илери, -илера 1) гуьтӀуьвал. Куьчедин дарвал себеб яз мукьвал-мукьвал аварияр жезва. Р. 2) куьч. рикӀин секинсузвал. Вун кешкин чир хьаначиртӀа, Зун дарвиле жечир, гуьзел. Е. Э. Эй, зи гуьзел. Сифте дидедин вилер анихъ амукьрай, чинни такур Сулейманаз дуьнья мичӀивиле, дарвиле ва пашманвиле аваз акуна. С. Пуд дидедин етим хва. 3) са квехъ ятӀани игьтияжвал. Дяведин йисарини чаз дарвал акурди тушир. Р. Сулеймана ина кьве йисуз кӀвалахна, эксплоатациядин азиятар, дарвилер къатламишиз тахьана, инай катна. М. М. Гь. ЧӀехи шаир. Фукьафундиз вун тухди тир, Дарвал авай эрекьдикай. И. Гь. Шаирдин сурал. Дидед чрай пирашкадихъ Вил галамаз рекьида жал? Гьикьван дарвал хьайитӀани, Мад нехирдив хъфида жал? С. Муслимов. ЦицӀигъ-наме. Самур патаз дигидайдикай гьамиша дарвал ава. || ЛГ, 2000, 28. XӀӀ. Дарвилерни эхзава, рикӀин тӀаларни, амма халкь патал Бакуда лезги чӀалал газет акъудун акъвазарзавач. М. М. Дуьнья кӀвачел къарагъда. Руьгъдин азаб чӀугун тавурдакай, яшайишдин дарвилер такурдакай халкьдин рикӀел аламукьдай, гьуьрмет авай кас жедач 3. Р. Веси. Дарвили, къайда авачирвили чуькьвезва, чна чун ва хва-стхани хвена кӀанзава. ЛГ, 1996, 21. VӀ. Чахъ авай дарвилериз, четинвилериз килиг тавуна, цӀийи кьве школа ахъайна кардик кутунва. ЛГ, 1999, 1. ӀV. Антоним: фирягьвал.
* дарвиле гьатун гл., вуж недай-хъвадайдахъ игьтияж авай гьалдиз атун. Буба кьейила, абур гзаф дарвиле гьатна. Р.
* дарвал гун гл., ни низ игьтияж авай гьалдиз гъун. Хкаж, ашукь, ван тур Самур дереда, Къагьриманриз дарвал гумир чӀаларкай. Ш. Къ. Амукьда. Гъилерал-тупӀарал кьуна, са куьникайни дарвал тагуз харудаказ, хатур тахаз, адахъ вири гелкъвез хьана. А. Эсетов. Инсан хьанач.