сущ.; -да, -да; -яр, -йри, -йра девлет авайди. \[ Панпур \] Куьне къени кесибриз чпиз фу гузвайбур девлетлуяр тирди, гьавиляй абуру девлетлуйрин девлетар артмишун лазим тирди... чирнавач. С. С., С. М. СтӀал Саяд. Девлетлуяр, кулакар, абурун аялар, абур квай кеф вилерик атайла, адак мадни гзаф перишанвал акатдай... А. Ф. Риза.... зун кесиб туштӀани, девлетлуни туш. А. Ф. Бубадин веси. Ада а девирдин социальный ( ичтимаи, жемиятдин ) къурулушдин дуьз туширвилел, адалатсузвилел, девлетлуйринни кесибрин арада авай барабарсузвилел вичин разисузвал ашкара малумриз хьана. М. М. Гь. ЧӀехи шаир. Синоним: агьваллу. Антоним: кесиб.
* девлетлудаз пул, кесибдиз аялар бул мисал 'девлетлудаз девлет жеда, кесибди гьамиша кесиб жеда' манадин ибара.