араб, сущ.; -ди, -да,. яр, -йри, -йра 1) къайда. Суддин къарардал алава яз ва гьахъ вичин тамамвилин вини дережадив агакьун патал за... уборщицани корректор кӀвалахдилай алудунин приказ гана... А. Къ. Гилигзава. Абурун аяларни бадейринни чӀехи бубайрин дережадив агакьнавай. Я. Къафаров. Вафасузвал. 2) акьуллувилин, варлувилин ери къалурзавай лишан. Етим Эмин яни садикь, Дережадиз тир ви лайикь, ТӀварни асулдиз мутӀабикь, Вични са абукевсер я. Е. Э. Дуст Абумуслимаз. Гьар намерддиз гуналди пул Дережа гьуьндуьр жедайд туш. С. С. Къара пулуниз. Эминан дережадикай гьар са дагъвидиз, иллаки гьар са лезгидиз, хабар хьун лазим я. М. Жалилов. Юбилейдиз савкьватар || ЛГ, 1999, 29. ӀV.