Ӏ туьрк, сущ.; -уни, -уна; -ар, -ари, -ара; 1) жува ва жуваз гьуьрмет ийизвай, чими алакъаяр авай кас. Етим Эмин, дуст акурла, жеда шад, Гьич са чӀавуз вичин дустар такьаз яд. Е. Э. Дуьнья гургьагур. Захь дустар, са нихь ятӀан пул ава, Дустар кими тахьурай зи парудал. А. С. Хъсан хьана Лезгистанда зул аваз... ЦӀун несилдиз гана чирвал - илим за, Чирна сергьят дустунинни душмандин. Ш. Къ. Ажалдин шив. Къазанфаран дустуни Эрзидиз кагъаз кхьида. С. Муслимов. ЦицӀигъ-наме. 2) садахъ галаз элкъвена рахадайла, ишлемишдай гаф. Ашукь жемир вун дуьньядин гьавадал, ГъалатӀ хьана ви рикӀ пашман жеда, дуст! Е. Э. Ашукь жемир явадал. - Бес вуна гьикӀ фикирзава? Председателвал тек са кар буюрмишуналди куьтягь жезвани? Ваъ, дуст, вун колхозчийрин бубани я. Ваз абурун тӀал-квал акун герек я, кӀуьцуруди чир хьана кӀанда... 3. Э. Мехъер кьуьл туш. Гадарна хьиз дапӀарар, Дуьнья гуьрчег жеда, дуст. Са дапӀар тур музейда, Хъуьрез герек къведа, дуст. А. С. Хер хьанвай лекь. 3) кӀаниди. Ви дустуниз шадвал тийиз, Куьз хъел хьана, чан къарагуьз. Е. Э. Къарагуьз. Дустар 'УртӀа хийирдуьа, - ам чаз еке игьсан я хьи... Е. Э. Фана дуьнья, вавди я зун. Антоним: душман.
* дуст кас рах., обр. чирхчирар, дустар сад-садахъ галаз рахадайла, ишлемишдай гаф. Дуст кас Жафер, фикир авуна Сефера, яраб заз хквез кӀандачир жал? А. Ф. Бубадин веси.
* дуст кьун гл., ни никай дуст яз кьабулун. Чарадакай кьамир дустар, Гумир на чаз сурун азар. С. С. Урусатдиз.
* дуст кьун регьят я, дуствал кьиле тухун - четин мисал 'дуст ва дуствал гьамиша хуьх' манадин ибара.
* дуст хьун гл. 1) вуж нихь галаз дуствилин гьиссер аваз эгечӀун. Виликдай вичихъ галаз гзаф дуст хьайи ксарихъ галаз ихтилатар авурла, абуру Ризадиз хуьре хьанавай дегишвилер... ахъайна. А. Ф. Риза. 2) вуж квехъ галаз мукьва хьун, кӀан хьун. Стха эрекьдихь галаз дуст хьанва. Р. 3) хъел хьанвайбур, душманар меслят хъхьун, меслятдал атун.