араб, сущ.; -ди, -да -яр, -йри, -йра 1) фикирда авай са кар кьилиз акъатун патал Аллагьдиз гафаралди ийизвай тавакъу. Аллагьдин тӀварцӀихъ ийизвай минет. Сур агакьайла, мад кӀелдай дуьа ава. ЛГ, 1992, 12.ӀӀӀ. Дегьзаманайрин чувудри чпин ракӀарин гуьрцелдилай дуьаяр авай запаб куьредай кьван. Гъада и кӀвализ хата-бела, чинерар, иблисар ахъайдачир кьван. Р. Гь. Чун чаз килигайла. Зарбаф халади тӀурар авай зинбилдай пекиник квай са элкъвей гъуьдгъвеш къванни акъудна, яд авай кружкадиз вигьена, дуьаяр кӀелиз, къаргъишар ийиз, мурмурар ийиз башламишна. А. Сайд. Вили яна. 2) кьейи касдиз агъа дуьньяда хъсан хьун патал Аллагьдивай ийизвай тӀалабун, гьа тӀалабун ийизвай инсанар. . Кесиб кьена, адан гъенел эгер дуьа алаз хьайтӀа, Тазиядиз къведай бенде жагъич, валлагь, Кесибвал кьий. Е. Э. Кесибвал кьий.
* дуьа авун гл., ни фикирда авай са кар кьилиз акъатун патал са низ ятӀани гафаралди ийизвай тавакъу лугьун. Зи рикӀел аял чӀавуз зи аялдин бадеди авур дуьа хтана. К, 1988, 19. X. Вуч ятӀани чи бубайри, уллу бубайри Яран сувар къейдзавай, берекатар артух хьун патал гъуцариз дуьаяр ийизвай... Н. Медиков. Яран сувар меркезда.