нар. тегьерда. А жуьреба завай жедач. Р.
* жуьреба-жуьре прил. гьар жуьредин. И йисара Сулейман гзаф чкайра кьекьвена, жуьреба-жуьре миллетрин фялейрин арада хьана... М. М. Гь. ЧӀехи шаир. Адаз гьар патай жуьреба-жуьре крар ва затӀар аквадай. А. Ф. Газет. Жуьрба-жуьре имаратар Ава, духтурхана хьтин. Къанни цӀикьвед колхоз гала Вичихъ, Тамам дерья хьтин. X. Т. Ахцегьар. Дуьз лагьайтӀа, ам са пуд кьуд юкъуз хуьрера къекъвенай, жуьреба-жуьре итимрин суфатриз килигна... А. А. Пад хьайи рагъ. ИкӀ хьайила, литературадани абур жуьрба-жуьре терефрихъай къалурун лазим я. А. А. Лезгийрин литература Виликдай дустар тир инсанар гила сад-садаз акси экъечӀзавай, гьар са касдин рикӀе жуьреба-жуьре хиялар гьатзавай, гзаф инсанар, пакадин югъ алукьайла, са тике фу гьинай ва гьикӀ жагъурдатӀа лугьудай хиялри бизарзавай. Я. Къафаров. Юристдин дафтардай.
* жуьреба-жуьревал ( жуьрвал ) сущ. сад туширвал. Ачух тушир фонемайрин чара ва жуьреба- жуьревилер арадал гъизвай къаншарвилер маса тегьердинбур я. Р. И. Гьайдаров. Лезги чӀалан фонетика. Ада йифериз кузвай гуьзел лампайрин экверин жуьреба-жуьревилелни гьейранвална. А. Фетягь. ТӀеквен. Тикрар хъийиз хьанайтӀа, уьмуьрдин жуьреба-жуьревал квахьдай, дуьньядикай инсанрин рикӀ хкӀадай... Б. Гь. Заз эвера. Пачагьдин администрациядин векилар..., чӀаларин жуьреба-жуьрвал ва са жерге маса шартӀар гьисаба кьун тавуна, анжах колониячивилин политиадин интересар фикирда аваз реформа тухунив эгечӀна. Ж, 2002, 14. XӀ.