араб, сущ.; -ди, -да; -яр, -йри, -йра са гьихьтин ятӀани рекьяй къуллугъ ийизвайбур авай чка, дарамат. Инсаф тийиз кӀасзава чинеба, Шегьердани, дагъдани, хуьрени. Идарада, туьквенда гьиллебаз, Ахлатзавач лап жуван кӀвалени. А. С. ВетӀер. ЦӀийи девирдихъ, юлдашар, цӀийи идараяр, цӀийи къуллугъарни хьун герек я. Гь. Къ. Четин бахт. Хуьруьн жемятдин месэлаяр гьялун патал ЦицӀигъа вичин идара авай. С. Муслимов. ЦицӀигъ-наме. Синоним: контора.
* идара авун гл., ни вуч къайдадик кутун, кьиле тухун. Хуьрер гъвечӀибур хьуниз килигна, Советрин девирдани абур са сельсоветди, са муьжуьд йисан мектебди ва са медпунктуни идара ийизвай. С. Муслимов. ЦицӀигъ-наме. Ханди идара ийидайла, Кюредин ханлух 10 магьалдиз пай жезвай: Къешан, Агъул, РичӀа, Куга, Гуьне, СтӀалрин Чилер, КьепӀир, ЯркӀи, Ахмарли, Хъартас ва Гуьгуьма. С. Муслимов. ЦицӀигъ-наме. Идара ийидай органрин аппаратрин кьурулуш пайгардик кутунин барадай... къарарар рази тежедай гьалда кьилиз акъудзава. ЛГ, 2001, 29. ХӀ.