туьрк, сущ. || ИЕС рах.; -ди, -да; -яр || -ар, -йри || - ри, -йра || -ра 1) сагъиб, са вуч ятӀани ихтиярда авайди. Иеси хьайитӀа кӀвале, Са затӀ тухуз жеч гетӀадай. Е. Э. Вирт квахьайдаз. Гьукуматдин иеси я виликан лукӀ... А. Ф. Чина, СССРда. Суьгъбет ачух мугьманрин, Ихтилатда ширин-ширин, Иесдиз лугьуз аферин, Къиметар масан, самовар. М. А. Самовар. КӀвализ атай Гьажиди Иесидиз лагьана: «Валай кӀани дуст авач, Гьахь зи рикӀиз атана». Ж. Валай кӀани дуст авач... Бязибуруз къадир авач, устӀардин, Амма иес устӀардилай рази Я. Ш. Т. Кьве устӀар. 2) рах. гъуьл. - Алад, алад. Шериф ( Зуьгьре эме вичин иесидихъ галаз гьамиша, сувабдин кар я лугьуз, тӀвар кьуна рахадай ), вун юлдашри гуьзлемишзава. К. К. КӀел Ибрагьим дидедин.
* иеси кьей иессуз! $ дишегьлийрин рахунра гъалтдай къаргъиш. \[Перис\]. Угь, ви иеси кьий иесисуз. Вуна зи фередиз кӀуф вучизязава? А. И. Къарачияр.
* иеси кьей (кьий тавур)! межд. къаргъиш. Иеси кьей къавах тарар - Тан тӀимил, чкал гзаф я. С. С. Куьре эгьлийриз. Эй, иеси кьей къара пул, Вакай якъут дуьр жедайд туш. С. С. Къара пулуниз. Иеси кьин тавур Къафкьаз КьацӀалай алат хьана хьи. С. С. Гьуьруьят. Иеси кьей Урусият, Регъуьзни ухшар амач хьи! С. С. Урусатдиз. Иеси кьин тавур тарта, Кили туш сивикай хата. С. С. Акьул жуваз аваз кӀанда. Иеси кьей хвал чӀижеризни бела хьанва. И. В. Кьуд аламат. Иеси кьей "Волга" машин, Вакай халис лам хьана хьи! Вун акурла халкьдиз гишин, Са артухан гъам хьана хьи. С. Дердер. Иеси кьин тавур Къафкьаз КьацӀалай алат хьана хьи. С. С. Гьуьрият. Иеси кьей Урусият, Регъуьзни ухшар амач хьи! С. С. Урусатдиз.