сущ.; -или, -иле; -илер, -илери, -илера инсандиз хас къилихар квай гьал, ери. Са бендедин дувандайла, гьакимар, Инсанвални гьахъ, адалат рикӀел гъваш. Е. Э. РикӀел гъваш. Сейке итим, чуру рехи, Рахадайла гафар пехъи, Жедайд туш я чиниз регъуь, Адан инсанвилин гьал кьий. С. С. Темпел. ЧӀехи шаир СтӀал Сулейман, са гафуналди лугьуз жеда, инсанвилив ацӀанвай инсан я! 3. Э. СтӀал Сулейман. Вилшдай хуьре са кас кьейила, вацран муддатда шад мярекатрихъ кьил кутадачир. Къенин девирдин "кьегьалрихъ " итимвал, инсанвал къалурдай жуьрэт авач. Р: Меликова. Садбур - дуьадал, масадбур - межлисдик. Хъсанвал чи инсанвилин терез я, Хъсандан чин чими рагъ хьиз хъуьрез я... М. М. Кьуна. Гьикьван дарда гьатнатӀани, за садрани жуван инсанвал квадрайди туш. ЛГ, 1992, 19. XӀ. Синонимар: акьуллувал, мергьяматлувал. Антоним: инсансузвал.
* инсанвал авун ни низ инсандиз хас тир вини дережадин амалар, гьерекатар кьилиз акъудун. - Инсанвал авун вуна Ватандиз вафалувал авун я; Ватанди рекье чан гунуг я. Къ. М. Дагъларин деринрин булах. Инсанвал авун патал и дуьньяда вуна гзаф магьрумвилер эхи авуна кӀанда. Къ. М. Дагъларин деринрин булахар.