сущ., -или, -иле; -илер, -илери, -илера инсаф авачир гьал. Жафа хьана и кент худа, Кьве кепек пул туртӀа гъута, Жемятарни маса гуда, Инсафсузвал вуч я рикӀин! С. С. Кавхадиз. Инсафсузвал низ герек я, инсаф ая евевайдаз, Инсаф тахьай жегьил уьмуьр вай жедачни, ваъ лагьайтӀа. Ас. М. Гъезелар. Артистди Айдын бахтикъара авур обществодин адалатсузвал, инсафсузвал жанлудаказ, таъсирдайвал къалурнава. ЛГ, 2001, 12. ХӀӀ. Антоним: инсафлувал.
* инсафсузвал авун гл., ни низ инсаф авачир гьалдин амалар авун. Туьркверин инсафсузвилер акурбуру гила сифтедай хьиз сажда ийизмачтӀани кӀандайбур гзаф ама... А. И. Самур.... маса чкайра кьван инсафсузвилер ийизвачир. А. А. Нажмудин Самурский. И сеферда хтайла вун элкъвена, Инсафсузвал хъийимир дад, хъийимир... Ш. Къ. Хъфимир мад. Кьиблепатан Дагъустандин вилаятар идара ийизвай пачагьдин администрациядини, и кар вилив хвена, маса чкайра кьван еке инсафсузвилер ийизвачир. ЛГ, 2002, 15. V.