кил. ИСЛЕН. ИСТЕКЛУ тиуьрк, прил. кӀани. Са кар якъин я: архадиз: гьарайдив рикӀивай куьмекдай, гьарайдиз герек тирла, гьай лугьудай кас гзаф истеклу жеда. ЛГ, 2000, 8. Ш. Къазикъумух магьалдин гьаким Сурхая гьар жуьре халкьарикай гзаф инсанар кӀватӀна чаз гзаф гьуьрметлу ва истеклу шагьдин аксиниз къарагъна. А. Бутаев. Гьажи Давуд ва лезгийрин азад женгер. Инал зи рикӀел истеклу писатель ва алим Гьаким Къурбанан гафар хквезва... Гь. Гьемзетов. Абдулбари Магьмудовакай гаф.
* истеклу хьун гл., вуж-вуч кӀаниди хьун. Адаз кьериз-цӀаруз аквазвай зи эме икьван истеклу ва играми хьун аламат жедай кар тир. А. Къ. ЧӀарав. А суй-къамат, а буй-гьайбат истеклу я къе элдиз. Ч. К. Устадрин устад.