араб, сущ.; -ди, -да; -ар, -ри, -ра са кас масадахъ агъанвай гьисс. АвачтӀани, яр, вахъ гьич ихтибар, А гуьзел чин гьич рикӀелай физ жедач. Е. Э. Жедач. Вучиз гуда чарадоз сир? Вахъ гьич ихтибар амач хьи. С. С. Урусатдиз. Вучиз гуда чарадаз сир? Вахъ гьич ихтибар амач хьи. С. С. Урусатдиз. Абу Гьуьрейрадин гафаралди, Мегьамед пайгъамбарди лагьана: "Кьве чин хьунин лишанар пуд ава: тапарар кваз рахун, хиве кьур кар тамамар тавун ва ихтибар кьилиз акъуд тавун. Самур, 1994, No 3. Мад са кар ава: зи кандидатура Мегьарамдхуьруьн райондин дявединни зегьметдин ветеранрин Советди къалурнава. Им лагьайтӀа, чӀехи ихтибар я. Заз и ихтибар кӀвачерик вегьидай ихтияр авач. Ихьтин ихтибардалдини за жув къуватлу яз гьисабзава... ЛГ, 2003, 27. ӀӀ.
* ихтибар авун гл., ни нел-квел 1) са кас масадахъ ягъанвай гьисс авун. Ви гьалдикай кьуртӀа хабар, Садани ич вал ихтибар С. С. Фана дуьнья. Къимет эциг тавунни анихъ амукьрай, вал гъеле ихтибарни ийизвач. 3. Э. Мехъер кьуьл туш. Хаинрал гьич ийиз тахьуй ихтибар! А. С. Веси. Саиматаз и ихтибар авуналди райондин зегьметчияр ягъалмиш хьанач. С. М. Маяк Саимат. И кар дериндай аннамишна, Йиф- югъ лугьун тавуна, зегьмет чӀугун, районэгьлийри авунвай ихтибар кьилиз акъудун патал вири къуватар, алакьунар, чирвилер серфна, кӀевелай чалишмишвал авун чи хиве буржи яз гьатна. Г. Ханов. Абадвални агьваллувал патал. Синоним: юкь вегьин. 2) сагъламвал кьилиз акъудда лагьай гьисс хьун, къалурун. - Акван, са сеферда за вал зи дергес ихтибар ийида, - лагьана ЦӀаруди дамахдивди. Гь. Б. Заз эвера.
* ихтибар авайд (алайд) туш арал. 'мумкин я' манадин ибара. Диши лам акуртӀа, кьилел ЧӀугвад, ихтибар авайд туш. С. С. Кьве кӀвачел къекъведай лам.
* ихтибар ая, амма ахтармиша урус \[доверяй, но проверяй\]. Чаз партияди ихтибар ая, амма ахтармиша - лугьуз тарс гузва. 3. Э. Мехъер кьуьл туш.
* ихтибар гъун гл ихтибар авун. На зи шад рикӀ туна дарда, Гьич ихтибар гъимир ярдал. Е. Э. Алагуьзли севдуьгуьм яр. Шемахидин беглербег Гьуьсейнхан, шегьердин агьалийрал жезмай кьван ихтибар гьин тийиз алахъзавай. А. Бутаев. Гьажи Давуд ва лезгийрин азад женгер.
* ихтибар хьун гл., пин нел-квел са кас масадахъ агъанвай гьисс авун. Ихтибар вал хьунал пара, Эхир жез туш вакай чара, Шугур Намруда минара, Амни вуна ярхна, дуьнья. С. С. Фана дуьнья.
* ихтибардай аватун \[акъатун\] гл., вуж нин са нихъ ятӀани ягъунин гьисс амукь тавун. Ада заз тапарарна, ам зи ихтибардай аватна. Р.