араб, сущ.; -ди, -да; -ар, -ри, -ра никай-квекай ятӀани ийизвай рахун(ар). "Лезги газетдин" редакцияда ички хъунал эхир эцигунал ихтилат кудайла, чӀехи паюни, чпин рейсадвал къалуруналди, "Башуьсте!" лагьана. ЛГ. 1997, 26. ХӀӀ. - За итимрин ихтилатрикай вучда? Кими эксик хьайитӀа, хабар це, Зун къвалав гвай кӀвале жеда. А. А. Пад хьайи рагъ. Дагъдин хуьре са вакъиани, са ихтилатни масадакай чуьнуьхиз жедач. Н.Ибрагимов. ЧӀалан сергьятрихъ кьадар авачирди успатзава. Синоним: суьгьбет.
* ихтилат(ар) авун суьгьбет авун. Фагъир Эмин, вич текьена, сагъ амаз, Садра ширин ихтилат кьван хъидачни? Е. Э. Хажалат атана. Нянрихьди кӀелиз ликпунктариз фидай, Куьлуьз-куьлуьз рахаз, ихтилат ийиз. А. Ф. КьатӀ-кьатӀ авур зунжурар. Кулакри гьар юкъуз нянрихъ сана КӀватӀ жез тӀуьн-хъун, ихтилатар ийидай. А. Ф. КьатӀ-кьатӀ авур зунжурар. Ихтилатар ийиз завди, Душманар шад хьана вири. Е. Э. Алдатмишай ярдиз. Селимат хала, вичивай адаз мад дертбаладикай ихтилатар ийиз тежедайди чир хьана, «ятӀа хьурай ман» лагьана гьез авачиз къецел эхкъечӀна. Гь. М. Чи бахт чи гъиле ава. - Бег, ша чна и месэладикай ихтилат тийин! А. А. Пад хьайи рагъ.