прил. 1) къене затӀ авачир. - Сада лугьузвай: базардиз фейила, вичи са ичӀи, буш арабадал вичин хвар кутӀунна, вич кӀани-такӀан къачуз базардиз фенай. Ф. Нехирбандин акьуллу руш. - Ээгъ! чанахдихъ авудзавай ичӀи тӀур авай гъил юзурна ада, зун а харармарар гвайбурухъ гьич инанмиш туш. Б. Гь. Заз эвера. Синоним: буш. Антоним: ацӀай. 2) тамам, вири патарихъай. Гузвай кьери хуьрекни, борщ тӀвар алаз, ичӀи келемдин кӀусар квайди, я тахьайтӀа, кьурай ичин патарикай гьазурнавай компот хьтинди тир. А. Ляметов. Зи пешедиз рехъ ачухай устад || ЛГ, 2001, 15. ӀӀ. 3) маса затӀ галачир, квачир. Бегьем са къарабас цан цун тавунамаз, залум касди етим аялдиз са кьас ичӀи фу кьванни ганачир. Къ. Къ. Кьелягъал йиф.
* ичӀи авун гл., ни вуч буш гьалдиз гъун. Вичи лагьай гафунин гьасретдай Келбялиди истикан ичӀи авуна. Б. Гь. Заз эвера.
* ичӀи гъил сущ. масадаз гудай затӀ авачир, масадаз куьмек гудай мумкинвал авачир (инсан). Ахъаяйла вуна заз вил, Ажуз тир зун, ичӀи яз гъил. Е. Э. Лугьуз. Аллагъ патал хьуй, ичӀи гъилиз килиг, - гьакӀ квахьдайди туш хъсанвал. Е. Э. Дуванбегдиз.
* ичӀи гъилелди (гъилди) нар. затӀни гвачиз. Абдурашида совхоздин 3нумрадин бригадада кӀвалахзава. Адазни Багъдай ичӀи гъилди хъфиз кӀан хьанач. К., 1988, 19. X. Антоним: ацӀай гъилелди (гъилди).
* ичӀи рикӀелай || чӀиркӀелай экуьн кьиляй затӀни туьн тавунамаз. ЧӀиркӀелай недай за ярам булама, Ряденик дидедин гъилин силема, А чӀаван виртӀедик зи вил галама, Амани чӀижерни ацӀай куьнуьяр? С. К. Яран сувариз.
* ичӀи хьун гл., вуч буш хьун. Къаравуш хьран кӀвализ чукурна фида, амма гъил ичӀи яз хкведа. А. Къ. Хукац-Ханум.