|| ГАЛТУГУН гл., ни нихъ-квехъ; -да, -на; -из, -зава; -ин, -а, -рай, -мир; калтуг авун. калтуг тавун, калтуг тахвун. калтуг хъийимир 1) катзавайди кьаз кӀанз зверун. Гадади гьич ТахьайтӀа, а руш хьайитӀани луьткведа акьадарна, гьуьлуьн а патаз тухун ва чпихъ калтугзавай душманрикай хуьн тӀалабнай. Ф. Гьуьлуьн руш. Аялриз, иллаки гадайриз, акӀ тир хьи, и махарик квай пагьливандиз ухшар касди гьар юкъуз калтугиз жанавурар ва я маса ничхирар кьазва Б. Гь. Заз эвера. Ингье, килиг, гьарнихъай калтугна, абуру жейран акӀурна уьленда. А. С. ВетӀер. Ада Мифтягьахъ калтугна, амма кьуьзуь къужадивай фарфалаг хътин гада кьаз жен мегер! Хьанач. А. А. Пад хьайи рагъ. Миргерай, чӀагъарай акъудна гьарай, Калтугна къветерин кьадан фереяр? С. К. Яран сувариз. 2) куьч. са вуч ятӀани ийиз кӀанз ва я са вуч ятӀани вичинди хьун патал дерин къастуналди алахъун. Галтуг авунач зун гьич девлетрихъ, Хъсан инсан хьун девлет тушни бес? Б. С. Гала вири захъ. - Агь, азадвал, азадвал! - лугьузва руша хиялдай. - Чи бубаяр азадвилихъ гьавая галтугзавач кьван! Гь. Къ. Къилинж Къемер.. Бязибру рифмаяр туькӀуьрунихъ галтугуналди лезги литературадин лап хъсан гафар ишлемиш тавуна, абрун чкадал маса чӀаларай жуьрба-жуьр гафар галчӀурна гъизва. А. С. Жегьил шаиррин яратмишунин бязи месэлайрикай. Антоним: катун.
* калтугун-катун гл. са гьихьтин ятӀани дердияр кьилиз акъудиз гьерекатдик хьун. Гада кӀелунарик кутадайла, калтугун-катун гзаф хьана. Р.