фарс, сущ.; -ди, -да; ксар, ксари, ксара инсан. Эвел заманда хьана са кесиб кас... Ф. Къази Гьасан ва факъир Али. Хьана кьван, хьанач кьван са кесиб кас. Ф. Кесиб кас. Дуьньядал бейгьал хьайи кас шедачни? Е. Э. Заз сабур гуз. Вуна хиялна... Чара касди неч лагъана. Е. Э. Вирт квахьайдаз Техил хтайлахъди гъилиз, Тарс акъат тавуртӀа кьилиз, гьар кас ахпа вичин кӀвализ Элкъвез кьулухъ кат, фекьияр. С. С. Фекьияр. Абур са касдилай маса касдал, са несилдилай маса несилдал къведайла, гагъ дегиш жез, гагь тежез. А. А. Лезгийрин литература. Мажбуридаказ чи хуьряй пуд кас алкоголдикай сагъар хъийидай болъницадиз ракъурнава. К, 1985, 14. VӀӀ. КӀвале амукьзавай аялрихъ гелкъведай кас авач лугьуз диде больницада къатканач. К, 1985, 7. VӀӀӀ. Дагъустандин дагълух районра зоб авай ксар мукьвал-мукьвал дуьшуьш жезва. И азар акатайла, туьд дакӀвазва, адан акунар дегиш жезва. ЛГ. 1997, 12. XӀӀ. Редакциядин къуллугъчийри Ялцугьрин хуьре яшамиш жезвай агьил ксарин куьмекдалди Етим Эминан сурни жагъурна ва накьвадик акатнавай лакьандин къван хкудна кьилихъ эхцигна. К. Казимов. Шикилдикай риваят. Чи чӀехи алим Гъажибег Гьажибегова лагьай гафар зи рикӀел хквезва: "Лезгийрин поэзияда лирикадин эсерар яратмишнавай Эминав барабар кас авач...". М. М. Дуьнья кӀвачел къарагъда.
* са кас, са касни, я кас.