\[кhва\] куьм. гл.; 1) са вуч ятӀани куьн ятӀани кӀан тир патак квайди тестикьардай гаф. Гьуьле гьикьван хьайитӀани яз гьакьунин себеб аник кӀан квачирвиляй яэ гьисабдай виликдай авам инсанри. И. В."Хийирар". 2) 'са гьихьтин ятӀани хесет, лишан хас я' манадин гаф. За лугьун квез квек квай хесет, Гъавурда куьн гьат, фекьияр... С. С. Фекьийриз. Еришдизни гьакьван дири, Са синих ква - тум я куьруь... С. С. Кьве кӀвачел къекъведай лам. Намус квай тимдиз эксик кар Къарши хьун бес четин тушни? С. С. Бес четин тушни. Вак бубадин ухшар ква, Ви суьрет дуьм-дуьз гьаданди я? А. А. Пад хьайи рагъ. 3) нин-куьн ятӀани къурулушдик тайин паяр авайди къалурдай гаф. Винидихъай чумахъ галчӀуриз галчӀуриз хтай зурба буйдин, цӀивин хьиз чӀулав тик спелар квай жегьил акур Камал адан вилик фена. Гь. М. Жегьил чубан. Зун а чӀавуз вун кьван тупӀар квай жегьил тир... Гь. М. Жегьил чубан. 4) 'низ-квез ятӀани алай вахтунда тайин са гьисс хас я' манадин гаф.... къумрал якӀарин аскӀан дишегьли хци вилерик еке къалабулух кваз ашана Гь. М. Жегьил чубан. - Куь вахтар фена, - лагьана дидеди са кьадар хъвер кваз... Гь. М. Жегьил чубан. Хъуьруьнарзавайбур гайи саламни такьуна кӀуфук зарафатдин хъвер кваз кимелай хъфена... А. И. Самур. - Вун вуч кас я, Ви ина вуч кар авайди я? -хъел кваз хабар кьуна. А. И. Самур... рушаз и гафар гьисс квачир гьакӀ абур патал лугьузвайбур тирди чизвай... Гь. Къ. Лацу м арал. Итимар туна, Назлу дирибашвал кваз тавдай экъечӀна. А. А. Пад хьайи рагъ. Къалмакъал квачиз са хейлин йисарни кечирмишна А. А. Пад хьайи рагъ. Абурун арада гьихьтин намус квай ксар аватӀа, абур вичин патаз чӀугвазва... А. А. Пад хьайи рагъ. Адак квай ажугъ акьван къати тир хьи, ам садалай аладарна кӀандай... А. А. Пад хьайи рагъ. 5) кьакьанвал авай чкадал (цлал, рагал) хьун Салегьан вилера туьшуьна цлак квай Къазибеган лит гьатна. А. А. Пад хьайи рагъ. 6) марф, жив къвазвайди къалурдай гаф. Марф квай вахт яз, къецел стӀалжем тахьун патал аскерриз хуьруьн жемятди къаткидай месни гана А. А. Пад хьайи рагъ.
* квайни-квай прил. виридалайни хъсан. Зулумкарди туруналди хел яна АтӀун патал квайни-квайди ичерик... А. С. Саядан вилер. Амма, чӀалахъ жедач жеди куьнни, квайни квай шаир чӀалан устад Шихнесир Къафланов къени писателрин Союздин член туш! К., 1989, 7. X.