гл.; -да, -на; -из, -зава; -а, -ин, -рай, -мир; кват авун, кват тавун, кват тахвун, кват хъийимир 1) вуж хабарни авачиз атун. Кесиб-куьсуьб акур чӀавуз катда вун, Девлет гьина ава, гъаниз кватда вун. Е. Э. Къизил цам. Синоним: акъатун. 2) къайдадикай хкатун. Аял хадайла, гзаф азабар чӀугур свас мад арадиз хтун хъувунач. Къвердавай кватна, ажуз хьана шуьткьвена. А. И. Самур ӀӀӀ. 3) винидихъай агъадихъ аватун. ЧӀарарикай, ракьинин куьпдикай хкудай хьиз, къати хъипи ранг кватзава. Гь. Къ.. Дацу марал. 4) вуч сад лагьана арадиз атун (гаф, суал, ихтилат). Ихтилат кватайла, ада лугьудай... 3. Э. Мехъер кьуьл туш. - БалкӀандин тахсир вуч тир? - суал кватун мумкин я. А. Къ. БалкӀандин кьисас. - Я Эмин буба, вуна заз багъишламиша. Мад ихтилат кватнава кьван, акӀ хьайила за вавай са кар мадни хабар кьан. Я. Я. Агалай сандух.
* ахварикай кватун.