|| КЕРПИЧ урус, сущ.; -ди, -да; ар, -ри, -ра 1) кӀвалер, цлар, дараматар эцигун патал накьвадикай, цементдикайни къумадикай раснавай кьуд пипӀен материал. Са чкадал къавар вигъизвай, санал цлар эцигзавай, санал фундаментар эгъуьнзавай, къванни кирпич, тахтани сахеи тухузвай арабайрини машинри рекьив мажал вугузвачир. Гь. М. Чи бахт чи гъиле ава. Сифте кирпич хкаж авур цал рикӀел къведа. Ас. М. Гъезелар. 2) къумарал кьугъвадай чарарал алай нехишрикай кьуд пипӀенди. ☼ Лезги чӀалан орфографиядин словарда керпич къалурнава. Чи кхьинра кирпич гзаф дуьшуьшра гьалтзава.
* кирпичар атӀун гл., ни накьвадикай кирпичар гьазурун. ЦицӀигъар Агъа СтӀалдал эвичӀай йисуз Агъамирзеди, вир кутуна, кӀвалер эцигдай кирпичар атӀузвай. С. М. ЦицӀигъ-наме.