прил. къурхувал квай. Ам гзаф кичӀе итим я. Р. Асеф Мегьман кичӀе кас туш, лугьуз дамах ийиз тахьуй, Къерех хьухь вун, аси хьанвай ви танишрин рикӀерикай. Ас. М. Гъезелар.
* кичӀе виле кьал акьада мисал 'вуж кичӀеди ятӀа, сифтени-сифте гьадаз зарар жеда' манадин ибара.
* кичӀеди кицӀи кьада мисал 'гуьзлемишзавай пис дуьшуьш, низ кичӀедатӀа, гьадан кьилел къведа' манадин мисал. й Уьмуьрни гьакӀ я. Гъадавни викӀегьвилелди эгечӀна кӀанда. КичӀеди... - КицӀи кьада, - давамарна жегьилди. - Мад ваз чизва хьи, - тестикьарна парторгди. Б. Гь. Заз эвера.
* кичӀе хьун гл., низ къурху хьун. - КичӀе жемир, я кас! Я вах! За Гьамид етимардач А. А Пад хьайи рагъ. Зи рикӀ акъатуникай кичӀезва. Е. Э. Гуьзел Тамум. Сефил яз куьн амукьуникай кичӀезва... Е. Э. КӀандач рекьиз гафар амаз лугьудай. Заз кичӀе я, а папан тӀвар Лугьуз, лап чепгин хьана кьван. С. С. Са къаридинни къужадин чӀиргъин.... ваз эрекьни перцовка какахьуналди вуч жез кичӀезва! Б. Гь. Заз эвера. Гила, инаг акурла, гьаникайни акьван кичӀезмачир А, Къ. Жуьгьенар. КичӀе тушир кас авайд я, лагьайдан вун жемир чӀалахъ, Анжах кичӀе жез тахьурай, жуваз жуван хъендикай. А. М. Гъезелар. Ихьтин йифиз ажалдихъай хъжедач кичӀе. А. Къ. ТӀурфандин йиф. Синоним: къурхулу хьун.