прил. 1) яргъивилиз кьадардилай тӀимил, яргъи тушир.. Вун тахсарадиз фий акьван тум куьруь. Е. Э. Тумакь яц. Еришдизни гьакьван дири, Са синих ква - тум я куьруь. С. С. 2) кьадардал гьалтайла, тӀимил вахт харждай. КӀвалах ал хьайи са куьруь вахтунда ада жемятдиз вич кар алакьдай... кас тирди къалурна. ЛГ, 2001, 22. ӀӀ. Яран суварин мярекат кьиле тухузвайда виридаз гатфарин и гуьзел сувар тебрикна ва ам арадал атуникай куьруь суьгьбет авуна. Н. Меликов. Яран сувар меркезда || ЛГ, 2000, 23. ӀӀӀ. Антоним: яргъи.
* куьруь авун 1 гл., ни вуч куьруь гьалдиз гъун. Хъуьруьнив са нин ятӀани уьмуьр куьруьни ийиз хьун мумкин я. А. Къ. Кьулухъай хъуьруьн. Антоним: яргъи авун.
* куьруь авун 2 сущ., граммат. яргъивал куьруь авур гьал. Адет хьанвай куьруь авунрилай гъейри, бязи чкайрал ктабрин тӀварар гьар гафунин кьиле авай гьарфаралди ганва... Р. И. Гьайдаров. Лезги чӀалане фонетика.
* куьруь хьун гл. куьруь гьалдиз атун. Дерт-гъам чӀугваз, уьмуьр хьана зи куьруь... Е. Э. Гъуцар, Ви сир вуч я зун халкь авунин?! Антоним: яргъи хьун.