къаришмиш хьун гл., вуж-вуч ник-квек 1) какахьун. Инлай-анлай кицӀ элуькъдай, кфил ядай ванер, хъархъар къачуна авахьзавай кӀамаринни булахрин сесерик къаришмиш хьанвай. Гь М. Им къван, имни терез. 2) экечӀун (са тайин кардик, рахунрик). - Вун къаришмиш жемир - лагьана Мина заз акьван атӀугъна килигна хьи, за авур гьерекатдал зун пашман хьана. 3. Э. Зун гъавурда акьазвач. - Вагьшивал я ам, - чи ихтилатдик Ольгани къаришмиш хьана А. М. Мурк ракъини цӀурурда. \[Зарлишан\]. Гуьлханум, ша чна чун дишегьлияр тирди рикӀелай ракъур тийин. Итимрин крарик къаришмиш хьун чаз лазим туш. Н. И.. Гьакимрин папар.