туьрк, сущ.; -уни, -уна; -ар, -ари, -ара гуьрчег хьун патал тупӀалда безекра тунвай багьа къван. Къизилгуьлдиз ухшар ава, Жасад якъут къашара ава... Е. Э. Назани. Рушаз къирдин фите, къизилгуьлдин цуьквер алай читдин булушка ва чапатӀар гъана, тупӀукни къаш авай тупӀал кутуна. А. И. Самур.
* къаш-къабагъ сущ. кьил-кӀвач, вири беден. Бязибуру гъил кьаз хвашкалд лагьана, Садбур адаз кӀанивилелди хъуьрена. Садбур адаз къашкъабагъ мурк хьиз къана, Вилерин кӀаникай килигиз элкъвена. А. Ф. КьатӀ-кьатӀ авур зунжурар.
* къаш-къамат шиир, сущ.; буй, винел патан акунар. И тариф за ваз лугьуда, Ви къаш-къаматди кур гуда Е. Э. Ви рутба гьуьндуьр авурай. Къаш-къамат я гьар тегьердин... Е. Э. Бахтавар. Къаш-къамат авай, уьстуьбаши диганвай, мецел вирт, рикӀел агъу алай, чин цӀалцӀам, агъдабан и фукъиранди вичиз тангъах авай паб ихьтинди хьун лазим яз гьисабзавай З. Э. Кек галкӀизва. Жегьилни я, гуьзелни. Къаш-къаматни ава. Н. И.. Гьакимрин папар.