сущ.; -а, -а; -ар, -ари, -ара 1) бедендин са пад (я эрчӀи, я чапла). Са арадилай ада вичин патав гвай Алимерданан къвала гъил эцяна... А. Ф. Газет. - Ам чи бубадин садакьа туш гьа, жемятди гъвечӀи- чӀехида тӀуьна чпин къвалар дакӀурна... А. Ф. Бубадин веси. Цавун бязи чкайрилай хитресди янавай хипен къвал хьиз лакӀлакӀ хьанвай кьери ва лацу булутар аквадай. А. Ф. Лянет. Чинрикай хъвер кӀвахьзавай абуру халуйриз чухсагъулар лагьана, къваларилай ва чӀулав фирийрилай гъилер алтад хъувуна балкӀанар вахгана. Б. Гь. Заз эвера - Вун вуж я? - столдихъ галайда, суйда мадни атӀугъайвал хвена, Рамизахъ къвал элкъуьрна. Т. А. Мехъер куьтягь тахьанмаз. 2) са куьн ятӀани къерех. Дагъларин яхадал, тамарин юкьва экӀя хьанвай и лезги хуьруьн къвалавай Къалажугъ вацӀ авахьзава. М. М. Лезги тӀвар алатӀа. Заз са вилихъай килигна, креслодин хъуьтуьл къвалара кьве гъилни атӀумарна, ада умундиз давамарна Т. А. Мехъер куьтягь тахьанмаз
* къвал гана фин гл., вуж акун тавур амалар авуна фин. Ярар, дустар физ виликай къвал гана. Е. Э. Заз сабур гуз.
* къвал-къвала аваз (къвал-къвалаваз) нар. сад-садан патав гваз. И гьайванар, далуйриз жанг акъатна, чувалар хьиз, ацӀай руфунар са патал авуна, акӀана къвал-къвалаваз, ацукьнавай, тӀимил-тӀимил заланвилин «игъ»-дин ван акъатзавай. А. Ф. Лянет. Чун кьведни виш йисаралди къвал-къвала, къуьнкъуьне аваз яшамиш жезвай стхаяр тушни? М. М. Кьибле пата гурзава.
* къвала-къвалахъ нар. са къвал вилик кутуна. Ам къвала-къвалахъ экъечӀна. Р.
* къвалал алаз хьун гл. патав гваз хьун. Заз вун къвалал алаз кӀан я. Е. Э. КӀан я. КӀанда къвалал алаз гуьзел. Е. Э. Картарикай вич я лачин. Вун зи къвалал алаз кӀан я. Е. Э. Акваз кӀан я.
* къвалан буш сущ. пакун тӀваларилай агъадихъ куьрс хьана жедай бижбижар, яцӀу хамар.
* къваларай акъатун гл., вуж са вуч ятӀани лугьун тавуна акъвазиз тахьун.