|| КЪЕЦИН нугъ., прил. къенин, къенин йикъан. 1) алай йикъан. Заз чиз, къенин гуьруьшмиш хьун Самурдин ва куьре лезгийрин стхавал мягькем авунин кьиметлу межлис хьана! Къ. М. Манияр, манияр. Къенин ахвар михьиз рикӀел алама: Рехъ авачир кӀачӀичӀлухдай физвай зун, Вири кьуд пад кьунвай цифери... А. Къ. Ярагъ Мегьамедан гъазават. Агъмед кьейидалай кьулухъ хажалатдин биришри кьунвай берекатлу чиниз къецин хътин шадвилин хъвер кьисмет хьанвачир. Сажидин Ярагъви ашукь Уьзден. 2) алай вахтунин. - За вун къенин йикъан жуван хайи властдин иеси, вири чилерин, кьисметрин иеси тир къудратлу халкьдин гъиле вугуда! Къ. М. Душмандин тум. Амма адаз къенин югъ къведайди чир хьанач. М. М. Чун вуч ксар я? Къенин юкъуз чун, белки, лезгидални рахадачир. М. М. Чаз къагьриманар кӀанда. Белки, къенин юкъузни Чаз пешапай герек я... А. Къ. Пешапай.
* къенин кӀвалах пакадал вегьемир мисал 'ийизвай кӀвалах вахтунда ая' манадин ибара.
* къенин къан къене \[нубатда\] нар. алай вахтунда. Ибурукай къенин къан нубатда гзаф кьиляй акъатнавайбур а далдамчи Тамазанрин хва Къурчи, Салман ва еке кьатирдин тум хътин Гьажимурад я. Ж. Эфендиев. Азадвилин рекье.