араб, сущ.; -ди, -да; -ар, -ри, -ра 1) са квехъ ятӀани гузвай пулунин кьадар, гьакъи. ЯхцӀур агъзур туьмен адан къимет я. Е. Э. Камаллу паб. На, къунши, - лагьана Къадира, - ам гуз хьайитӀа, заз це, заз кал кӀанзава, масада гудай къимет ваз зани гуда. А. Ф. Бубадин веси. - Муьштерияр гзаф хьайила, малдин къиметни хкаж жедай адет я. 3. Э. Муьгьуьббатдин цӀелхем.... къизилдал къизилдин, ракьунал ракьунин къимет ала. Уьмуьрда къведни бакара къвезва, амма гьардан вичин чка ава. Я. Ш. Гьахъ квахьдач. 2) кӀелзавайдан чирвал алцумдай дережа. Заз физикадай къимет авач. Р.,
* къимет авач кӀус еридиз вини дережа я, гзаф тарифлу я. Лали агьмердилайни ам багьади я - къимет авач. Е. Э. Чуьхвер. Ви гафариз авайди туш гъич къимет.. Е. Э. Серминазахъ галаз суьгьбет.
* къимет гун гл., ни низ-квез лайихлувилер, нукьсанар тайинарун. Душман дуст хъхьанва, амма пай авачир чкадал вуна адахъ галаз душманвалзава. И кардиз масадбуру гъихьтин къимет гуда? Я. Ш. Гьахъ квахьдач.
* къимет эцигун гл., ни нел-квел лайих тир дережада гьисабда кьун, гьуьрметар авун. Рамзиятан кӀвалахрал культурадин министерстводи къимет эцигзавай. Адаз миниетерстводин Гьуьрметдин грамота гана. 3. Э. Рамзият. Трестдин руководителри ва партийный организацияди жегьил ва зирек рабочийдин зегьметдал лайихлу къимет эцигнай. Са тӀимил вахтунлай ам верховойдин везифадал виниз хкажна. 3. Э. Социалист Зегьметдин Герой. Темирханов. - Вуна зал къимет эциг тавун анихъ амукьрай, инсанрин арада вунни виляй вегьена. Регъуь, гьикӀ хьайила, жедай затӀ я. 3 Э Арифдиз ишара.... адаз вун беябур ийиз кӀанзавач. Им инсандиз еке бахт я. КьатӀун тавун, - къимет эциг тавун лагьайтӀа, еке гуж я. 3. Э. Рамзият.