гл., каузат., ни-куь вуж-вуч; -да, -на; -из, -зава; а, -ин, -рай, -мир; къугъур тавун, къугъур тахвун, къугъур хъийимир 1) са кас, кӀватӀал ва я кьве тереф тайин гьерекат(ар) кьилиз акъудун патал кардик кутун. Физкультурадин тарсуна чун туп-лаш кьугъурна. Р. 2) сада масадав вичиз кӀандай амалар, гьерекатар ийиз тун. - Яда гьей, некӀед сив! - чап-чап гададиз килигна ЦӀару, - ваз зун югъди маймунар кьугъурзавайди хьиз, ви гъиляй ажуз хьана кӀанзавани? Б. Гь. Заз эвера 3) ни-куь вуч гьар патахъ югьурун.... хкадарзавай адан бурма цӀвелер, далудилай куьрснавай чӀулав кифер хъуьтуьл шагьварди къугъурзавай. 3. Э. Булахдал. Адавай кьуьл жедачир. Алай чкадал акъвазна, макьамдал гъилер къугъурдай. М. Б. Шапка.... ада гьяз авачир жуьреда шиш тупӀарин арада кьугъурна.. Т. А. Мехъер куьтягь тахьанмаз.