сущ.; -ре, -ре; -ер, -ери, -ера суьрсет гьварч авуналди кьил хуьзвай, шуькӀуь кӀуф, спелдин чӀарар авай ва яргъи тум галай гъвечӀи гьайван. - Къуьл тухуз вердиш хьайи кьиф Ават хьана гатӀаз, нехирбан. Е. Э. Нехрирбан. Вакай къведай а кьифрен ни. Кьадардилай туькьуьл хинин. За фагьумна гьич са гафни Авач вахъ туькӀвей, регъуьхбан. С. С. Регъуьхбан. Кьилел алай бармак лагьайтӀа, кьифери къадгъунайди хьиз, са чӀарни аламачиз кӀан дуьздал хьанвайди тир. А. Ф. Риза. - Ви ружади, Мердан, кӀвалел абур гъизва, я кьиферни хуьквезмач, кичӀе хьанва... 3. Гь. Залан кам. Пехъивал им лап залан, сада кай масадак акатдай азар я. И кардик гзафни-гзаф кицӀер, кацер, жанавурар, сикӀер, чакъалар, хуьруьн майишатдин гьайванар лагьайтӀа, икана, азарлу жеда. Азар къушарик, кьиферик, кьаркьулуврик акатунни мумкин я. ЛГ. 1997, 19. XӀӀ.
* кьифре кьулар сущ. кьифер кьадай алат.
* кьиф-кац сущ. аялрин къугъунин тӀвар.