прил. 1) кьеж квачир, кьеж галачир. # ~ кӀарасар, ~ чил, ~ гьаят. 2) куьч. нетижасуз. Ибурузни кьушун лугьуз, гьакӀан кьуру бунтар хьана. Е. Э. Гьинава? Садани бегьем и кар рикӀив кьуначир. Белки, кьуру зарафатдани тунай... А. Ф. КьатӀ-кьатӀ авур зунжурар. Ибур гъакӀан кьуру зарафатар туш. И. В. Чирхчир. Зарафатни керчек. Иллаки кьуру гафар ийидай, лавгъавал квай, тапарар квай, тежедай кӀвалахар хиве кьадай инсанриз пис тир. С. М. ЦицӀигъ-наме. Кьуру фурсарни дамахар авунал рикӀ алай са явакьанди, акъваз тийиз, вичин бубадин тарифарзавай... И. Мурадов. Ви бубадин къазмада || ЛГ. 1997, 11. VӀ. 3) куьч. маса затӀ галачир, лазим тир алаваяр галачир.. Бес вуна ваз гузвай пенси тек са кьуру фаз бес жедач лугьузвачирни? Г. Ханов. Зун ваз аял туш. 4) куьч. уьмуьрдин истемишунрикай магърум. Математика лагьайтӀа, сифте килигайла, кьуру предмат хьиз аквада, амма муаллимди аялриз адакай менфят къачуз асант мисалралди чирна кӀанда. X. Ш. Чирвилери инсан бахтлу ийида || ЛГ, 2000. 20. ӀV.
* кьуру гафар сущ. манасуз, делилсуз гафар.
* кьуру дамар сущ. бедендин кӀарабар сад-садав гекьигзавай гужлу ва яцӀу дамар.
* кьуру дамах(ар) авун гл., ни бинесуздиз жув вине кьун. Гафар гуьрчег, амал чӀуруз, Дамах ийиз гьахьтин кьуруз. С. С. Акьул жуваз аваз кӀанда.
* кьуру уьгьуь сущ. кьеж галачир уьгьуь. Ада зайиф ванцелди «угь» ийидай, кьил гагь и патахъ, гагъ а патахъ элкъуьрдай, гагь-гагь яргъал чӀугур кьуру уьгьуь ядай. А. Ф. Бубадин веси.
* кьуру чехир урус \[сухое вино\], сущ. ширинвал авачир, туьнт тушир чехир. Исабег кӀевиз азарлу хьана. Адан чӀехи хва Мегъамедзагъира, дахдин рикӀ алайди чиз, Аладашдин анардин ранг алай кьуру чехир гъана, адан кьилихъ столдал эцигна. Ш. Исаев. «Темягь ама...».
* кьуру чиляй циф акъудун гл., ни са себебни авачиз къал акъудун, гьарай-эвер авун.