прил. 1) кӀвализ, хизандиз, яшайишдиз талукь. - Са тӀимил йисар идалай вилик, - фикирна ада, - куьчейра катзавай аял тир, жегьил хьана, мехъер авуна; кӀвалин, хизандин иеси хьана... А. Ф. Бубадин веси. 2) гъилив вердишарнавай, вагьши тушир. # ~ верч, ~ къаз, ~ кац, ~ кицӀ, ~ лиф, -уьрдег, ~ цӀегь. 3) куьч. мукьвавал авай.
* кӀвалин гьайванар сущ. кал, гамиш, хеб, цӀегь - вири санлай. Къурушвидин уьмуьрда балкӀанди лап кар алай чка кьазва, кӀвалин гьайванрин арада виридалайни пара гьуьрмет авайди балкӀан я, гьаниз килигна адаз "ЧӀехи стхани" лугьузвай. И. Мурадов. "... Зи тухумдинни сихилдин муг". Вагьши гьайванри хьиз, кӀвалин гьайванрини гатфариз туьлекда. 3. К. ТӀебиат чирун.
* кӀвалин къушар сущ. верч, къаз, уьндуьшка - вири санлай. КӀвалин къушар, какаяр Жезва лап тӀимил. А. Къ. Пешапай.
* кӀвалин юлдаш сущ. паб. Кесибдихъ авай фикир сад тир: «Лап хъсан ваъ, хъсанни ваъ, са тегьер, юкьван хьайтӀани са йисуз кӀвалин юлдашдихъ галаз яшамиш жен, са тӀимил вахтунда хьайитӀани хажалатар рикӀелай ракъурин». М. Гь. Буржар хьайитӀани алатда хьи... Синонимар: уьмуьрдин юлдаш, къари, кӀвалевайди.