сущ.; -е, -е; -ер, -ери, -ера масадбуруз таквадай чка. Вуна вучиз кӀевяй къудна, ви къуьл дуьздал алаз туна! Е. Э. Дуст Ягьиядиз. Чир жезамач я вак, я сев, Чаз чизамач чун фидай кӀев. С. С. Вечрен къимет вад милиян.
* кӀев хьун гл., вуж-вуч 1) масадбуруз таквадай гьалдиз атун. 2) агал хьун, кардик кумукь тавун. 1984 - йисуз халкьдин яратмишунрин кӀвал кӀев хьана. М. М. Лезги тӀвар алатӀа.
* кӀеве(ра) аваз хьун \[акӀун, гьатун \] гл., вуж-вуч 1) яргъал ва таквадай чкада хьун. Зи дердиниН тӀабиб ава кӀевера. Е. Э. Яр. 2) вилик квай месэла гьялдай рехъ жагъин тийидай гьалда хьун. Лит акурла, Шагьабасан папаз чир хьана пачагъ кӀеве авайди. Ф. Кесиб кас. КӀеве гьатайла, гъарибдин гъил къадачни. Е. Э. Аман яр. - Ша гьатмир вун а кӀевера. Фекьи-кавхадиз эвера. С. С. Сулейманан мецин дяве, ажузвал кьурд тушир хиве, вуч ятӀан ам инал кӀеве Гьатна, гьакӀ зурзаз амукьна. С. С. ТӀуб сара кьаз... - Чун ина, са касдиз чка жагъуриз тежез икӀ кӀеве акӀанваша, квез кьуншиярни хутахиз кӀанзавани? Гь. М. Ирид къаш. Амма Къупалдал ( адет яз, рекьин инсанди ял адай чка ) акьалтайла, ахпа кӀевера гьатна... М. Гь. Буржар хьайитӀани алатда хьи... 3) дарда, кесибвиле хьун Хизандин гьал мадни кӀеве гьатна. А. С. Хуьруьг Тагьир. Зи кӀвалах я: КӀеве гъатай гьар макъамда Ви патахъай За жаваб гуз. Ж. Вучиз ваз зун... КӀеве акӀайла, Мегьтидин кьилиз Лам алцурардай атана са кар. С. Мегьтидин лам. 4) азарлудан гьал пис хьун, пис яз яргъал фин. & Тумар пара цун тавуртӀа, Кар аватда кӀевез, лежбер. С. С. ПӀуз хъуьрезвай лежбер. ТуькӀуьзмач кар са тӀуьн-хъунал, КӀевевайла ришвет гунал. Ж. Аламаз. Антоним: кӀевяй акъудун.
* кӀевел алаз хьун гл., вуж залан азардикди рекьидай гьалда хьун. Диде кӀевел алайла, Хидира Урдириз тел янай Ф. Н. ПицӀ квачир инсан.
* кӀеве(ра) тун гл., ни вуж вилик квай месэла гьялиз тежедай гьалдиз гъун. - Хуьревай лап амалдардиз И зи патав эвера! - Лагъана цан цазвай касдиз, - Твада за ам кӀевера! Ж. Ваз кар амач гуьзетдай. Язух чӀугваз твамир на жув кӀевера, Шаир Пушкин фад кьинин дерт къалурмир. Стха Мелик аруш хьайи кӀвачера Эминазни башсагълугъвал ракъурмир. И. Гь. Декьикьаяр инсанрин.
* кӀеверай (кӀевяй) акъатун гл., вуж-вуч четин гьалда амукь тавун. Стхади куьмекначиртӀа, ам кӀевяй акъатдачир. Р. Нажмудин яваш-яваш кӀеверай акъатзавай. А. А. Нажмудин Самурский. Антоним: кӀевяй акъатун.
* кӀевяй акъудун гл., вуж-вуч, ни четин гьалдай акъудун. Колхоз чна и кӀевяй акъудна кӀанда... И. В. Кьвед чаз, сад квез. Адаз чизвай: са ни ятӀани халкь кӀевяй акъудна кӀанда. КЪ. А. Четин бахт. Антоним: кӀеве(ра) гьатун.