нар. 1) ван алаз, сес хкажна. Эмир гана цавар кӀевиз рахурда. Е. Э. КӀандач рекьиз гафар амаз лугьудай. КицӀерин къаст кьун тавуна алатун туширди чир хьайила, за мадни кӀевиз гьарайна. А. Ф. Лянет. - Де лагь кван, дайидин хва, крар гьикӀ я? - кӀевиз хабар кьуна Минади. Халудин хци гъил хкажна кьве тӀуб къалурна ва вичин туьтер эфей сесиналди кӀевиз хъуьрена. 3. Э. Зун гъавурда акьазвач. Фу, хуьрек недайла, кӀевиз рахун мишребсузвал яз гьисабзава. ЛГ, 1992, 23. ӀV. 2) мягькемдиз, къуват желбна. Ламра кьулухъ кӀвачер кӀевиз руквада акӀурна, япар хкажна гьарайна: -иа-иа-иа. Лезги халкьдин махар. 3) пис нетижайрал къведайвал. Я Агъабе-е-е-г, чи гада Зигъирбег кӀевиз начагъ хьанва, адал яхцӀур градусдин ифин ала, рекьизва, къарагъ, хъша, тадиз кӀвализ хъфин. С. М. ЦицӀигъ-наме. Синоним: кӀевидаказ.
* кӀевиз акъвазун гл., вуж фикир дегиш тийиз хьун. Яру Нямет чидай кьван инсанри ам къалп кас я лугьуз тестикь ийизвай, икӀ ятӀани, Бегов вичин буйругъдал кӀевиз акъвазнавай. А. А. Пад хьайи рагъ. Къе вегьей кам пака физва тарихдиз, Женгчи ятРа, кӀевиз акъваз! Гьахъ ятӀа, Хайи чилни чӀал вугумир заминда. X. X. Чи чилив гва дегьзамандин рехивал. Синоним: кӀевивалун.
* кӀевиз кьун гл., ни вуж-вуч са нихь ва я квехъ ятӀани инанмиш яз хьун. Бязибуру Дуьнья кӀевиз Кьада, валлагьи-биллягьи. Е. Э. Вил вегьейла и дуьньядиз.