|| КӀЕВУН гл., ни-куь вуж-вуч; -да, -на; -из, -зава; -а, -ин, -рай, -мир; кӀевир тавун || кӀев тавун, кӀевир тахвун || кӀев тахвун, кӀевир хъийимир || кӀев хъийимир 1) таквадай гьалдиз гъун. КӀвале ктабрин харади кӀевирнавай стол авай, муькуь пипӀе валчагърин хара ва кровать эцигнава. 3. Гь. Лезгийрин риваят. Хтункъазмайрин школайриз газ тухвана ва анриз 30 агъзур манатдин къимет авай партаяр къачуна, школадин гьаятда къир цана ва школадихъ гилиг хъувунвай кӀвалин къав кӀевдай шифер чара авуна ЛГ, 1999, 1. ӀV. 2) кардикай хкудун. Сталинан буйругъдалди ва Багъирован гъилералди Азербайджандин къадим ва бинелу лезги халкьдиз акси "дяве " башламишна: лезги чӀалал акъатзавай газет кӀевна, радиодин передачаяр атӀана, школайра дидед чӀал чирун кьадагъа авуна. М. М. Лезги тӀвар алатӀа.