сущ.; -уни, -уна; -ар, -ари, -ара 1) сад хьтин гзафдан пай. - Халкьари чпиз авай гьарнал са кьал алаз кьуранвай никӀин кӀусарай магьсулар кӀватӀ хъийизвай. А. Ф. Бубадин веси. Амай са никӀин кӀусни гана виже къведачир; ада ам хатурдай масабурун малар къачуна цанвай. А. Ф. Бубадин веси. Эгер ваз ви уьзуьрар квахьна, беден сагъ ва кӀубан хьана кӀанзаватӀа, за лагьайвал ая: экуьнахъ къарагъайла, са истикан чайни 2 кӀус фу, амай вахтунда ( йикъан къене ) тутар неъ. 3. Ф. Тутаралди сагъарун. Гуьзгуьдин кӀусар гьарнихъ чкӀанвай. Т. А. Мехъер куьтягь тахьанмаз. Синоним: тике. 2) куьч. ришвет. КӀус гайитӀа, ви кӀвалах туькӀуьда. Р.
* кӀус-кӀус нар. кӀусар яз. Ада аялдиз фу кӀус-кӀус гузвай. Р.
* кӀус-кӀус авун гл., ни вуч 1) куьлуь-куьлуь авун. 2) куьч. тахьай гьалдиз гъун
* кӀус-кӀус хьун гл., вуч сагъ шей кӀусариз элкъуьн. Гъиляй аватай гуьзгуь кӀус-кӀус хьана. Р.