прил. лезгидин, лезгийриз, лезги тир, лезгидиз талукь. # ~радио, ~ - чӀал, ~ журнал, ~ газет, ~ хуьр. Амма лезги миллет, лезги халкь сад я. Адан бинеяр Эвелни-эвел Къуба пата ава. А. А. Лезгистан азадвилин женгера. Садра за гьа алимдиз урусрин чӀехи историк ва журналист В. Л. Величкоди лезгийрикай кхьей гафарни тикрарна: «Лезги тайифайрихъ хуьруьн майишат вилик тухудай чӀехи агалкьунар ава. Абуру кустарвилин кьайдада расзавай майишатдин къапар Юкъван Азияда машгьур я. Абуру чилериз серф ийизвай зегъмет урус лежбердин гьич акьулдизни. къведач... Абур рикӀ ачух, мерд, гафунал мягъкем, авай гаф чинал лугьудай ксар я» М. М. За нин бахтар чуьнуьхна хьи... Лезги районрикай сифте чкадал Мегьарамдхуьруьн район ( 58,7 агъзур ), гуьгъуьнал Сулейман-Стальский ( 54,0 агъзур ), Ахцегь ( 31,6 агъзур ), Хив ( 20,7 агъзур ), Къурагъ ( 15,2 агъзур ) районар ала. ЛГ, 2004, 24. VӀ. Лезги лезги дуст патал чан эцигдай итим я. Н. Самуров. Лезги чӀал.
* лезги чӀал сущ. лезги миллетдин векилрин хайи чӀал. Хтанва зун зи стхадизлезгидиз Лезги чӀалал лезги салам гун патал, Темен гана дидеди гъир ризкьидиз Ви сагълугъдай ацӀай бокал хьун патал. А. Ал. Шалбуз дагъ. Диде чилел, лезги. чӀалал ашукь тир, Инсанперес, намус терез багърияр, Мугьман патал рикӀер даим ачух тир Шарвилидин невеяр я лезгияр. С. Шарвилидин невеяр. Халкь терг тахьана амукьун патал, Герек я рахун чун лезги чӀалал... О. Гьуьсейнов. ЧӀал хуьх, лезгияр, Чил хуьх, лезгияр!... Эгер чун лезги чӀалакай рахайтӀа, диде-буба лезгияр яз. рухваяр, рушар урус чӀалал рахазвай, са бязи хизанра са гафни чин тийизвай веледарни жезва. ЛГ, 2004, 21. Х.